Amaia Aldai/Araitz Eizagire eta Naroa Elizalde /
Oihana Orbegozok jokatuko dituzte promozio mailako finelardiak emozioz beteriko
kanporaketa bikain batzuen ostean
Giro ezin hobean, Lemoako
pilotalekuan bertako eta kanpoko pilotazale ugari bildu ziren, jokatu ziren
Laboral Kutxa Emakume Master Cup txapelketako promozio mailako azken
kanporaketak eta lehia estuaren ostean, erabakita geratu dira Amezketan
jokatuko diren finalerdiak. Kirol guztietan emozioa beharrezko osagaia izaten
da eta soberan izan zuten horretan frontoira gerturatu ziren guztiek. Azkenean
Amaia Aldai / Araitz Eizagirre eta Naroa Elizalde / Oihana Orbegozo izango dira
Larrunarrin finalerako txartela eskuratzen saiatuko diren pilotariak.
Lemoako lehen multzotik Amaia
Aldai eta Oihana Orbegozo sailkatu ziren eta euren arteko partida ikusgarria
suertatu zen, estua eta borrokatua. Une batzuetan Amaia Aldai urduri ikusi
genuen, baina Imanol Agirre pilotari profesional ohiaren aholkuek lagunduta
edo, partidara itzuli eta eta 18-13 nagusitu zen dimoztarra. Azpeitiarren
arteko derbian, Oihana Orbegozo 12-18 nagusitu zitzaion Maddi Unanueri eta
puntu horrek eman zion finalerdietarako txartela.
Beste multzoan are eta handiagoa
izan zen emozioa eta garaipen bana eskuratuta, alde eta kontrako tantoak batu
behar izan ziren hurrengo kanporaketarako sailkatuak nortzuk izan ziren
jakiteko. Azkenean Naroa Elizalde eta Araitz Eizagirrek lortu zuten aurrera
egitea baina oso kontuan hartzekoa da Naroa Agirrek egindako lana. Zestoarrak
tanto baten aldeaz irabazi zion Naroa Elizalderi lehen partidan eta nekeak
erasanda edo, Araitz Eizagirreren aurka bederatzi tanto baino ezin izan zituen
egin eta emaitza horrek min handia egin zion Agirrerri azken zenbaketan.
.
Emakume Master Cup
iruzkinik ez:
Argitaratu iruzkina